أبوفانا .....الدموع وحدها لا تكفى

من أين أبداء كلامى وأنا أمام حادثة أى كلام يقال فيها لا يستطيع أن يصف بشاعتها وفظاعتها ووحشيتها

إن حتى الوحوش لو سمعت عنها لأصابها الإشمئزاز والتقزز من الأشخاص الذين هم من المفترض أنهم أدميين وقاموا بهذه الجريمة البشعة

جهاراً نهاراً علننا أما أعين الناس والحكومة والمسؤلين ....... ما حدث بدير أبو فانا من هجوم مسلح على الرهبان العزل

الأبرياء من حوالى 60 شخص أو أكثر مسلمين بأسلحة ورشاشات ألية , هجموا على الدير , وأصابوا أربعة رهبان بالرصاص

وخطفوا ثلاثة منهم , جروهم كالخراف ليقوموا بتعذيبهم وإهانتهم بمنتهى الوحشية وبدم بارد , وكأن هؤلاء الرهبان بصرف النظر عن دينهم

ليسوا بنى أدمين مثلهم ....!

يستحقون رحمة أو شفقه منهم ....... ولكن للأسف هؤلاء الأشخاص خلت قلوبهم من أى رحمة أو إنسانية .

إيه إللى بتعملوه ده يا مسلــــــــــــــــميــــــــــــــــن

ده منظر الرهبان كان يصعب على الكــــــــــــــــافــــــــــــــر

إيه إللى أصاب عقولكم وقلوبكم ؟؟؟؟؟؟

تجلدوا الناس وتكسروا رجل واحد وتقطعوا ودن واحد وتحطوهم ف حفر وتضربوهم وتعلقوهم ف النخل

كل ده علشان دينهم غــــــــــــــــــير دينكم !!!؟؟؟

وعايزنهم يسلموا بالعافية !!!؟؟؟

دين إيه ده إللى بالإجبار والضرب !!!؟؟؟

ده لو مش راهب ده لو أى إنسان عملتوا معاه كدا تبقوا بتدوه أبشع صورة عن دينكم , لما يشوفكم بتمارسوا العنف والإرهاب عليه

فيا مسلمين عيدوا تفكيركم وحسابتكم مش العنف إللى هينصر دينكم ولو الإسلام دين كويس ذى ما بتقولوا يبقا خايفين ليه ؟؟؟

سيبوا الناس يعبدوا ربنا ذى ما هما عايزيين

ليه بيصبكم الغضب والرعب لما تشوفوا الصليب أو تسمعوا إسم المسيح !!!؟؟؟

ولا علشان إللى إتعود ع الضلمة بيخاف يشوف النور !!!؟؟؟

إيه إللى جرى لكم يا ناس بتحزنوا كل من ليه قلب وتقطعوه ......... ف شرع مين يا بشر الإجرام ده كله علناً وعينى عينك

الخطف والتعذيب وضرب الناس بالرصاص والحرق والهدم والتدمير .. والأباء يتصلوا بالشرطة يستنجدوا بيها تيجى بعد أربع ساعات ...

يعنى بعد الدنيا ما خربت وإللى إتخطف إتخطف وإللى إتعذب إتعذب والناس دمها ساح ذى خروف العيد !!!!!!!!

الرهبان العزل الأبرياء كانوا يصرخون وقت الهجوم الغاشم : فينك يا حكومة علشان تحمينا !!!؟؟؟

وأنا الأن أصرخ معهم : فينك يا حكومتنا ياللى المفروض تحمينا !!!؟؟؟

أليس هؤلاء مواطنيين مصريين .. فلماذا سمحتى أن يحدث لهم هذا ؟ ولماذا لم تقبضى على الجناه وتعاقبيهم أم أن القانون المصرى هنا يفرق بين مسلم ومسيحى ومتنصر وبهائى وشيعى وملحد , وإذا كان هذا صحيحاً فكيف نشعر بالأمان فى بلدنا ؟!!!!!!

فكيف نعيش فى بلدنا ننتج وننمى ونبنى مستقبل إذا إنعدم الأمان .

أيها السادة المسؤلين : أنتم فى مناصبكم من أجل أن تحموا شعب مصر بجميع فئاته أى كانت ديانه هذه الفئات .

أيها المسؤلين : أنتم مطالبين بحمايتنا كمواطنين مصريين وليس على أساس الدين , إحنا بشر أروحنا غاليه ودمنا غالى مش هيرخص لأى سبب ولازم تفهموا كدا قبل فوات الأوان .

ف ناس فاكره الهمجية والتخلف هما الصح , عايزين يرجعونا مئات السنيين إلى الوراء علشان نتأخر أكتر ما إحنا متأخرين حرام عليكوا بقا كفاية الناس كلها ف العالم بتطور نفسها وتتقدم وأنتم دائماً بتشدوا نفسكم للوراء فتتأخروا أكتر لحد ما بقيتم ف قاع الدنيا والحياة ,.

أرجوكم فوقوا من الوهم الكرة والعنف والدم من الشيطان لإنه مش بيحب البشر ( هذا الذى كان قتالاً منذ البدء ) .

لكن ربنا علشان بيحبنا عايزنا نعيش ف سلام رغم إن الإنسان أحياناً بيكون عدو نفسة مثل المجرمين الذين هجموا على دير للرهبان تركوا العالم كله ليعبدوا ربهم فلم يتركهم شر العالم .

وفى النهاية أيها السادة المسؤلين :

حقنا عليكم هو العدل والمساواة بين المسلمين والمسيحيين وغيرهم من الأديان الأخرة وأن تقبضوا على الجناه وتعاقبوهم بشدة حتى لا يتكرر هذا فدماء الناس ليست لعبة حتى لا تغرق البلد فى بحر الفوضى والإرهاب .

وأريد أن أقول كلمه لأبائنا ورهباننا المعتدى عليهم :

كل ذرة ألم وتعذيب وإضطهاد تعرضتم له

وكل قطرة دم سالت منكم .. أحطت من قدر الجناة وأعلت من شأنكم فى قلب وعين المسيح والمسيحيين , وليس هذا فقط بل فى نظر أى إنسان محترم وله ضمير وشعور .

ملحوظة : لأن المسؤلين ودن من طين وودن من عجين إن لم يكونوا محرضين .

أضم صوتى وأدعوكم جميعاً للمشاركة فى مظاهرة الغد السلمية الأثنين 9/6/2008 فى تمام الساعة السابعة مساءً أمام كنيسة العذراء مريم بالزيتون ولنطالب بمحاكمة الجناة علناً وأمام الجميع .

كتبت / زينب على ( كريستين ).