قضية محمد حجازى ...... أسماء الخولى

الحكم الي حصل في قضيه محمد حجازي هو مهزله بكل المقاييس علشان الناس الي بتتكلم عن نزاهه القضاء المصري تشوف وبرلمان الاتحاد الاوربي يعرف فعلا التمييز العنصري ضد الاقليات الدينيه في مصرللاسف الحكم اتنطق بيه في وقت مش مناسب خالص للظروف الحاليه الي فيها مصر بتحاول تلبس ماسك الحريه العقائديه وده حيخلي مصر تدخل في مأزق خطير جدا والحكم بالنسبه للبهائيين مش انتصار ولا حاجة ده معناه عار ليهم ان ديانتك لا تستحق الذكر وانت بدون ديانه احسن ما يكتبوا انك بهائيوالحكم بالنسبه لقضيه محمد حجازي هو معناه مصادره حريه اكثر من تلاته مليون متنصر في مصر وتحريضهم علي التزوير اما بعمل بطاقات باسماء مسيحيه وهميه او بالحصول علي بطاقات مكتوب فيها ان الديانه مسلم وهو مسيحي وكمان الحكم معناه ان القضاء المصري متخوف جدا من انه لو ادي الحق لمحمد حجازي في انه يغير ديانته حيلاقي ملايين المصريين عاوزين يغيروا ديانتهم من الاسلام للمسيحيهولو كان القضاء المصري النزيه فاكر ان الحكمده حيحض من ايمان المسلميين بالسيد المسيح كرب واله ومخلص يبقوا هما عايشيين في الوهم لان الي بيعرف السيد المسيح مش بيخاف حتي لو قتلوا الجسد لانهم مش عندهم سلطان علي قتل الروحاتمني ان احنا لو في بلد ديموقراطي فعلا ان الحكم يطبق كمان علي المتحولين من المسيحييه للاسلام تحت الاجبار الفعلي او المعنوي يعني الوعود بالشقه والعروسه والوظيفه والفلوس او حتي علي الاقل الي يتجه للاسلام لا يجبروا اولاده انهم يبقوا مسلمينانا بصراحه مش قادره اقول كلام يوصف مدي الخيبه الي بشعر بيها تجاه وطن وتجاه جنسيه انا معتزه جدا بحملها هل باعتباري زي محمد حجازي مرتده من المفروض اني اتنكر لوطن هو كمان اتنكر لي وبقول عليا مرتده وممكن في اي وقت يصدر عليا حكم الموتهل بتنصرنا خونا هذا الوطن هل قمنا بالعماله لصالح دول اخري تعمل ضد مصلحه بلدنا هل في يوم نسينا وطنا بهمومه وافراحه ده انا لسه لغايه النهارده بحتفل بعيد الثورة وعيد اكتوبر اعياد وطني حصل فيها علي استقلال حتي ولوكان استقلال مزيفحتي في حلامي بحلم كل مرة كاني في بلدي او اني راجعه لبلدي تاني اشتغل فيها واربي اولادي فيها لكن الظاهر ان ديه كلها اضغاث احلام وانسي مصر والي في مصر وابدا ابني في ارض اديتني الحريه الحقيقيه واوتني بعد ما بلدي طردتني واصدرت عليا حكم بالموت والي يسالني انتي منين اقولهم انا بلاوطن
مرسلة بواسطة Asmaa Elkholy
كتبت الأخت \ أسماء الخولى
نقلا عن مدونة منتصرين بيسوع
http://asmaaelkholy.blogspot.com/2008/01/blog-post_31.html