لما اللسان انخرس !!

مسختوا كلمة مصر
ياملبسينها عقال
والعقل صار فى الأسر
والإنسانية خيال
لما اللسان انخرس
كسروا الجرس ... وبلال
يزعق بسم الخطب
والليل كتب ... أمثال
أمثال تسم البدن
وادى الوطن متهان
والقبطى جوه الرحى
نزلت دماه ألوان
ألوان بطعم الألم
كسروا القلم .. حيران
حيران أقول يامصر
ولا يا عربستان
ياللى شعرتوا بخطر
قومتوا تحاربوا الجان
للسحر والشعوذة
هللتوا يا عربان
غربان بتجرح وطن
كان يوم سلام وأمان
شالوا ثقافة الأمل
نسخوها ( بالغلمان )
مسحوا نفرتى ورع
مرقس وافا سمعان
كت صورة حلوة أكيد
بتشرف الأوطان
حطوا مكانها ( الحديد )
و ( الجن ) و ( الدخان )
و ( البقرة ) ويا ( النمل )
و قصص روتانا زمان
اه يازمان كان لنا
قبلن نكون خصيان

قصيدة من أشعار : بيشوى أرميا بولس ( محمد حجازى سابقا )